عمال سيد درويش بصوته مجموعة 2 (تسجيلات نادرة)!

المجموعة الثانية : لاتفوتكم اسمعوها اوحملوها

1-أنا هويت.. سيد درويش.. ميكس

[url][/url]

:::::::::::::::::::::::::::::::::::::::::::::::::::::::
2-ياماشاء الله على التحفجية سيد درويش

[url][/url]

كلمات :ياماشاء الله على التحفجية


ياما شاء الله ع التحفجية أهل اللطافة والمفهومية
اجعلها ليلة مملكة ياكريم
دا الكيف مزاجه إذا تسلطن اخوك ساعتها يحن شو شو شوقا
إلى حشيش بيتي نيتي نيشي اسأل مجرب زي حالاتي
حشاش أراري أراري يسفخ يوماتي
خمسين جرايه ستين سبعين
هأ هأ هأ يامرحب
صدق وآمن بالذي خلقها وقال كوني جوزة لكل من يدوقها
مايسلا أنفاسها بملايين
بس الأكادة حبس وظلومة يكفينا شرك يادى الحكو حكو حكومة
حكو حكو حكو حكو حكومه أو لما مانسمع زنة نموسة
تبص تلقى كل الشخصة اكسبرسات راحم طايرين
ها ها هأ يامرحب
هو احنا يعني علشان غلابة لابتوع قراية ولاكتابه
يهينونا فلتحيا التفانين
كان يبقى شنبي من غير مؤاخذه
على كلب رومي والا على معمع معزه
معمع معمع معمع معزه
ساعة ماتنده وتقول ياقرقر
أجيك مش مشمر من غير تؤخر هو ابن مصر حيخاف من مين
ها ها هأ يامرحب
ورينا أجدع بيه والا باشا يقدر يعايب على الحشاشا

فشر يادقدق صلى ع الزين

أقول لك الحق يوم مانلقى بلادنا طبت في اي زنقة

يحرم علينا شربك ياجوزة روحي وانت طالقة مالكيشي عوزة

دي مصر عايزه جماعة فايقينيامرحب:::::::::::::

::::::::::::::::::::::::::::::::::::::::::::::::::::::::::::::::::::::::::::::::
3-اشبنجر دا مولينا - سيد درويش


[url][/url]


معلومات وكلمات اغنية اشبنجر:-

اشبنجر دا مولينا
ياربي مسكا جينا
قدمت فرقة علي الكسار رواية " إللي يفهم " عام 1921 -وهي من تأليف أمين صدقي وقد اشترك في تلحين هذه الرواية مع الشيخ سيد
درويش الملحن ابراهيم فوزي قدم فيها الشيخ سيد ثلاث ألحان كان من ضمنها هذا اللحن
باللهجه النوبية
كتب كلماته الأستاذ بديع خيري

اشنجر دا مولينا --- ياربي مسكا جينا
يا شيخ دا احنا كفاية --- رضا ربك علينا
يا ما بنقاسي يا بهوات --- ويا ما الناس عيرونا
على خدمتا للخواجات --- والمــدامه ولا مــــونا
يهودي تركي ياباني --- في أكل العيش يا إخواني
مافيش مسلم ونصراني
هي هي هي هيه
هجرنا بلاد ابونا --- ونخلاتنا وعيالنا
ياريت اللي جابونا --- سابونا هناك في حالنا
يا هـوه حتى المزينين --- وصبيانها لها نـقابه
واحنا كومانده بوابين --- وليه نفضل كده غلابه
ماسونيه بلشــفية ايه ---ما هو احنا اللي خالقنها
ومنا فهمو معــناها
هيه هي هي هي
ياناس دي العبــودية --- دي ضد الإنسانية
مادام دا شئ غـريزي --- ياهوه فيكم وفيا
لإيمتى بس يا اخوانا --- ما بين يحيا وما يحياشي
يا اسيادنا اسمعوا منا --- نصيحه كـده ع الماشي
مادام قلبك ماهو صافي --- مسيرك تيقى الحافي
وتبقى قوفة ع الفاضي
هيه هي هي هي

:::::::::::::::::::::::::::::::::::::::::::::::::::::::::::::::::::::::::
ي4-يا حلاوة أم إسماعيل - حياة صبري و سيد درويش

:[url][/url]

تعريف بالفنانة حياة صبرى
ومعلومات وكلمات الاغنية

حياة صبري
مطربة مصرية كانت التلميذة الأولى لفنان الشعب سيد درويش، وشاركته غناء وبطولات مسرحياته الأولى، وكانت الصوت الأثير لديه إلى أن شاركتها هذه الخطوة مطربة القطرين فتحية أحمد التي تتلمذت وغنت وشاركت مسرحياً.كان سيد درويش قد التقى بحياة صبري عام 1918 وذلك في إحدى صالات شارع عماد الدين بالقاهرة. وكانت وصلة سيد درويش تجيء في آخر الليل بعد وصلتين يؤديهما المطرب الكبير صالح عبد الحي. وحدد صاحب الصالة للشيخ سيدمرتباً شهرياً قدره ثمانية عشر جنيهاً. وفي آخر الشهر، اجتمع سيد درويش وصالح عبد الحي عند خزانة الصالة ليقبض كل منهما راتبه. وتقدم صالح عبدالحي قبل سيد درويش إلى العرّاف فمضى يعد له راتبه إلى أن بلغ مائة جنيه! انصرف صالح عبدالحي سعيداً،أما سيد درويش فوقف منبهتاً ولم يستطع أن يتفهم كيف يعطي صاحب الملهى لصالح عبد الحي أكثر من خمسة أضعاف ما يعطيه له هو. وفي هذه اللحظة مر صاحب الصالة فاحتج سيد درويش وزعق في وجهه وحدثت بينهما مشادة عنيفة، شهدتها إحدى مطربات الصالة التي كانت تقف على مقربة منهما.. وكانت هذه المطربة هي حياة صبري.
استطاعت حياة صبري أن تحظى برعاية سيد درويش وسجلت عدداًكبيراً من ألحانه على اسطوانات أوديون وبيضافون وميشيان،نذكر منها: "مين زيي"،

يا حلاوة أم إسماعيل

من الحان رواية "رن"، 1919، تقديم فرقة نجيب الريحاني

تأليف وأغاني بديع خيري

المؤدي سيد درويش و حياة صبري، والمقام بياتي


ياحلاوة ام اسماعيل في وسط عيالها

زي النجفة عم بتلعلط في جمالها

تزرع وتجلع في الغيط ويا راجلها

وتعاود تاني لعجينها وغسيلها

تحلب جاموستها

حلاوة كتاكيتها

على الملوخية

ياختي عليها وعلى بطتها

بنات البندر دول ايه

بتوع الآن دي دو تروا

يكفانا اللى شفناه من فات قديمه تاه

زيي أنا شفت كتير

وسنة بسنة ولاد الكبير

لافاتولي بيت ولا غيط

ياحلاوة ام اسماعيل في وسط عيالها

زي النجفة عم بتلعلط في جمالها

تزرع وتقلع في الغيط ويا راجلها

وتعاود تاني لعجينها وغسيلها

كشكش بيه:

قسمة ومكتوبة توبة من النوبة

لو يقطعوا رقبتي ماخدش غير زنوبة

مانمدش رجلينا ليه

على قد لحافنا يابيه

ده المصري مازادش عليه غير ماله ضاع بايديه

وده من يوم مامدنوه

خلوه نسى عوايد ابوه

وصبح يقول ياريت ياريت

ياحلاوة ام اسماعيل في وسط عيالها

زي النجفة عم بتلعلط في جمالها

تزرع وتقلع في الغيط ويا راجلها

وتعاود تاني لعجينها وغسيلها

::::::::::::::::::::::::::::::::::::::::::::::::::::::::::::::

تابعونا ......................
تحياتى محمد بوليصة